கியாங் மியாங் குள்ளச்சி...🐾

         பப்பி,ஜாக்கி,ஷீரோ,டாமி,ஜூடோ போன்றவைகளின் வரிசைகளில்

கியாங் மியாங் குள்ளச்சி...

(என்னடா சைனீஸ் பேரு மாதிரி இருக்குனுலாம் யோசிக்காதிங்க...இது நம்ம தமிழ் அழகிதான்...)

        இது பூனைக்குட்டி , நாய்க்குட்டிலாம் இல்ல...எஸ்...கோழிக்குஞ்சே.....

        சுமையா மிஸ் வீட்ல ,முன்னவே நிறைய கோழி,சேவல்,மற்றும் அவற்றின் குட்டிகள் எல்லாம் அனேகம்..

        வண்ணம்னாலே குழந்தைங்களுக்கு அளப்பரிய ஆனந்தம்,அதீத ஆர்வம்...

கலர் கோழிக்குஞ்சு...(நம்ம சின்ன பிள்ளைல எல்லாரும் எவ்ளோ அடம் பிடிச்சுனாலும், வாங்கிருப்போம்..நாள் முழுக்க அது பக்கத்துலயே உக்காந்து ,அத பாத்துக்கிறேனு பாத்துக்கிறேனே கொண்ணுடுப்போம்...)

         ஆனா இது கொஞ்சம் பெரிய குழந்தை...சுமையா மிஸ்ஸேதான்...

         5 கலர் கோழிக்குஞ்சு வாங்கிட்டு வந்தாங்க...அதுல 4  செத்துபோயிடுச்சு...

பொழச்சது ,நம்ம கியாங் மியாங் தான்...

      Who is the hero?who is the hero? காக்க வந்த வாத்தியாரோ...back ground music add பண்ணிக்கோங்க...

       கொஞ்சம் கெத்து அதுக்கு...ஆனா வீட்ல முன்னாடி இருந்த கோழிங்க அதுங்களோட இருப்பிடத்த தக்க வைச்சுக்க,நம்ம கியாங் மியாங் கிட்ட சண்ட போட வேண்டியாதாகிருச்சு...

சண்டைல ,நம்ம சேவல் சார்(சுமார் 4-5 கிலோ...நல்ல உயரம்...) கி.மியாங்கோட கழுத்தாம் பட்டைலையே கொத்த ,அது வாயில கொஞ்சம் ரோஸ் கலர் முடி..ஃப்ப்ப்ப்-னு ஊதுது...

         தலைக்கு வந்தது ,தலைப்பாவோட போச்சுனு கி.மி யெஸ் ஆகிட்டா...
வீரத்தழும்போட அன்னைல இருந்து வீட்டுக்குள்ள மட்டுந்தான் அதோட ராஜங்கம்...


        அதோட வீடு சுமையா மிஸ் மடிதான்...

       கி.மி. அதுக்கப்றம் மனுசங்க கூட அதிக இணக்கமா இருக்க ஆரம்பிச்சிட்டா...சுமையா மிஸ் வாசத்துக்கூடவே சுத்துவா ...

       அத கண்டுக்கலனா கியாங்க் மியாங்க்னு கத்தும்...

பொழுதா பொழுதிக்கும் திண்பதையே மட்டும் வேலையாக கொண்டிருப்பாள்..

தொண்ட வரைக்கும் சாப்டுவா...
வயிறு கல்லு கணக்கா ஆகிடும்...தண்ணிக் குடிச்சதும் கொழுக்கு மொழுக்குனு ஆகிடும் அழகிக்கு...

        எல்லாக் கோழிக்குஞ்சும் நின்னுக்கிட்டே தூங்கும்னா,மேடம் மட்டும் கால தரைல விரிச்சு,கழுத்த தரைல வச்சு தூங்கும்...பாக்கவே ஆசையா இருக்கும்...

       இப்டி வீட்டுக்குள்ளவே பொழுத போக்கிட்டு இருக்கனால,உடம்புல கொஞ்சம் கூட சூரிய வெளிச்சம் படல...எம்புட்டு சாப்புட்டும் கொஞ்சம் கூட வளராம குக்னிகூயுவாவே இருந்து....


        அதுக்கு சுமையா மிஸ் வீட்டுக்காரரு incubator ஒண்ணு ரெடி பண்றாரு...
குண்டு பல்ப் மாட்டி ,கி.மியவும் உள்ள அனுப்பியாச்சு...
அதுக்கு அவ்ளோ சுகம்ம்...ரெக்கையா விரிச்சுட்டு திரும்பி திரும்பி நின்னு சூட சுகமா வாங்கிக்கிது...

(கார்ட்டூன் பாத்துட்டு பீத்தல்ஸ்லாம் விடல..நிஜமலே கி.மி இப்டிதான்..)

        சுமையா மிஸ் வெளியூர் போறப்ப,தனியா போகனும்னா கொஞ்சம் uncomfortable ஆ feel பண்ணுவாங்க...

ஆனா இந்த வட்டம்,ரொம்ப நிதானமா உற்சாகத்தோட கெளம்புனாங்க...

       வீட்ல தனியா விட்டுட்டு போக மனசில்லாமா,ஒரு கூடைக்குள்ள துணிலாம் போட்டு கி.மி யா தூக்கிக்கிட்டே ,நைட் சென்னைக்கு air பஸ்-ல ஏறிட்டாங்க...

       பஸ் நகர நகர கொஞ்சம் அலுப்புல அசந்துட்டாங்க மிஸ்...
எப்பவும் கிங் மிங்-னு கத்திட்டு இருக்கவளோட குரளயே காணோம் ரெண்டு மணி நேரத்துக்கு...

கோழிக்குஞ்சு செத்துருக்கும்...என்ன பண்றதுனே புரியாமா கூடைல பாத்தப்ப...செத்து போன மாதிரியே கிடந்துச்சு...


        ரொம்ப வருத்தப்பட்டுக்கிட்டே இருக்கப்ப திடீர்ன்னு.....கிங் மிங்....கிங் மிங்-னு ...சத்தம்...

       அடியேய் கியாங் மியாங் குள்ளச்சி என்று செல்லமாக அடித்து மடியோடு அணைத்துக்கொண்டார்கள்...

ஆசுவாசமடைந்தோம்....😄🐾💝

தொடரும்....


படங்கள்-இஜாஸ்
கதை-மல்லிகை...